Ættarmót á Laugum í Sælingsdal 5-7. ágúst 2011.

Áætlaður fjöldi gesta er ca 200 manns.

Tveggja manna herbergi m/handlaug kr. 14.200,- á nótt.

Eins manns herbergi m/handlaug kr. 10.500,- á nótt.

Tveggja manna herbergi m/baði kr. 24.000,- á nótt.

Eins manns herbergi m/baði kr. 18.300,- á nótt

Innifalið er morgunverðarhlaðborð.

Veittur verður 10 prósent afsláttur af ofangreindu verði fyrir þá sem gista í eina nótt, en 15 prósent afsláttur fyrir þá sem gista í tvær nætur. Þessi afsláttur er háður því að ein sameiginleg kvöldmáltíð sé keypt, að minnsta kosti.

Þeir sem gista í tveggja manna herbergi geta fengið dýnu fyrir börn með sér í herbergi án endurgjalds. Pláss er fyrir 1-2 dýnur á hverju herbergi.

Uppbúið aukarúm/aukadýna kostar kr. 2.900,-

Greiða þarf fyrir morgunverð barna eftir aldri.

Svefnpokapláss í skólastofu kostar kr. 2.200,- á mann á nótt. Ekki er veittur afsláttur af gistingu í svefnpokaplássi.

Tjaldstæði er við hótelið og kostar nóttin kr. 850,- á mann. Frítt er fyrir börn yngri er 12 ára. Rafmagn á tjaldstæði kostar kr. 400,- sólahringurinn.

Sameiginlegur kvöldverður á laugardagskvöldið kostar kr. 4.800,- á mann. Matseðill kvöldsins samanstendur af heitum og köldum réttum á hlaðborði. Innifalið í verðinu eru afnot af sal. Lágmarksfjöldi í ofangreint hlaðborð eru 40 fullorðnir. Á Edduhótelunum er fullt vínveitingaleyfi.

Morgunverður kostar kr. 1.400,- á mann.

Börn 0 til 5 ára fá frían mat, en börn 6 til 12 ára greiða hálft gjald.

Aðrir afslættir gilda ekki með tilboði þessu.

_______________________________________________________________________

Eftirfarandi hefur verið tekið frá fyrir ættarmótið:

Föstudagur 5. ágúst:

7 tveggja manna herbergi með handlaug

Laugardagur 6. ágúst:

17 tveggja manna herbergi með handlaug

2 eins manns herbergi með handlaug

Til að staðfesta pöntun þarf að greiða kr. 50.000 í staðfestingargjald eða leggja fram kreditkortanúmer í síðasta lagi 22. nóv 2010. Staðfestingargjald þetta er óafturkræft sé ættarmótið í heild afpantað með minna en tveggja mánaða fyrirvara.

Þátttökutilkynning og herbergjabókun berist þeim sem er í forsvari fyrir ættarmótið.

Eigi síðar en einum mánuði fyrir ættarmótið þarf að liggja fyrir herbergjalisti með fjölda pantaðra herbergja ásamt nafnalista þeirra sem gista eiga í herbergjunum. Nauðsynlegt er að aldur barna sé tilgreindur með pöntun. Með pöntun á herbergi þarf að fylgja kreditkortanúmer sem staðfesting á pöntun. Herbergjapöntun er bindandi.

Áætlaður fjöldi matargesta þarf að liggja fyrir með viku fyrirvara.

Sundlaug er við hótelið.

Jæja, nú styttist í  það. Stemmingin var æðisleg síðast með Indverjunum. Hlakka til að fara vestur.
Gunna

Sæl öll og gleðilegt sumar. Ég var að leggja lokahönd á frágang tjaldvagnsins til kaupanda, þegar ég fann hnífinn góða. Einhver hafði sett hann í geymsluvasa , en sem góðri húsmóður datt mér ekkert annað í hug en hnífaparaskúffan og gáði ekki annarsstaðar.

Sæl öll sömul. Mig langar að auglýsa eftir hnífi sem ég týndi í Fossatúni síðasta sumar.
Hnífurinn er beittur með svörtu skafti og mjóu blaði í brúnu leðurhulstri.
Ef einhver kannast við lýsinguna þá gæti ég nálgast hann við tækifæri.
Gunna

Nú styttist í að við hittumst í Steinsnar. (Fossatúni)
Þeir sem ætla að mæta eru beðnir um að melda sig hingað inn svo hægt sé að gera sér grein fyrir fjöldanum og hvað við þurfum stórt svæði undir okkur.

Í danaveldi dvelur nú
dajlig það ég nú vona.
Yfir þrítugt hefur þrjú
þessi glaða kona.

Til hamingju með daginn, kveðja Jói.

Vegna frétta um giftingu innan Hulduhersins helgina 3.-5. júlí, hefur útilegunni verið frestað um viku.
Stefnum semsagt á helgina 10. til 12. júlí
Endilega setjið athugasemdir hér inn um tíma og staðsetningu ef óskað er eftir breytingum.

Það hefur verið ákveðið að helgina 3-5. júlí muni Hulduherinn hittast í Steinsnar í Borgarfirði til skrafs og  ráðagerðar og ........................
Möguleiki á innigistingu fyrir þá sem það vilja er fyrir hendi í Steinsnar. Pöntun í síma 433 5800, Annars er lengi hægt að troða í þau rými sem finnast hjá meðlimum hersins.
Nú er um að gera að hysja  upp um sig og mæta á staðinn til að hitta gamla og nýja hermann Hulduhersins.

Samstarfshópur um "gamansaman"

Valdís og Tryggvi eignuðust strák í kvöld.
19 marka og 54 centimetra 

HALLÓÓÓÓÓÓÓÓ,       HALLÓÓÓÓÓÓÓÓ

Er einhver þarna?????
Á ekkert að hittast í útilegu í sumar?

Nei, nei. Var bara svona að tékka á liðinu. Ekkert að reka á eftir eða neitt svoleiðis. Bara svona.

Steini

Þorrablót V-Barðstrendinga verður haldið 31.janúar í sal Ferðafélagsins í Mörkinni í Rvík.
Miðapantanir Baldvin Agnarsson 892 9291, Þórunn Erla Stefánsdóttir (hans Jóhanns Sam. ) 616 7782, Sigríður Sveinsdóttir 861 5764.

Til að svara fyrirspurninni þá eru Þórhanna, Irma og Jóhann í nefndinni.  Þau ákváðu að betra væri að hafa það á 3 ára fresti (en ekki 2 eins og fyrsta nefndin vildi) og ætti það því að vera í sumar.  Nú er kominn tími til að skipuleggja gott fólk! 

Þann 13. des. sl. fórum við með barnabörnin af Hauganesi að líta á jólasveinana í dymmuborgum þar komu ljósmyndari og blaðamaður frá dönsku blaði og tóku nokkrar myndir af af þeim Rúnari Smára, Dagnýu  og Sindra, ef þið danmerkurdveljandi ættingjar rekist á þessar myndir væri gaman að vita af því og jafnvel að fá eintak af blaðinu, kær kveðja og bestu jóla og nýársóskir Jói.

Jæja, var ekki á dagskrá að halda fjölskyldumót næsta sumar? Hverjir voru í nefndinni, mig rámar í að Þórhanna hafi verið í henni en man ekki meira. Nú erum við nokkur frændsystkinin sem búum erlendis (ég flutti með fjölskylduna mína til London í september) og það væri ágætt ef nefndin myndi ákveða sig með dagsetningu fljótlega, ef það stendur til að halda sig við næsta sumar.

Annars vil ég óska öllum í Hulduher gleðilegra jóla. Við fjölskyldan (Gunna, Leifur, börn, makar og barnabörn) ætlum að vera á Hjaltlandi um jólin með vinafjölskyldu okkar. Ég hlakka mikið til.

Kær kveðja, Signý

halló kæru ættingjar eins og þið kannski vitið þá er Júlía Ósk að æfa handbolta með FH. Núna eru þær að stefna á að fara til Svíþjóðar næsta sumar og eru þess vegna að selja ýmsar vörur þessa dagana t.d. wc-rúllur, eldhúspappír, þvottaefni, bílavörur og fleira. ef þið hafið áhuga endilega hafið samband við mig eða látið vita hér á síðunni í síðasta lagi á þriðjudag og ég hef samband. kveðja Soffía.